WILLEMSTAD – Djasabra mainta a kuminsá ku un kaso bastante remarkabel ku mester a konta ku asistensia di Kuerpo Polisial. Un hóben dama stazjèr Ulandes a bira di kabes i destruí basta kos entre nan dos2 outo di hende ku e no ni konosé mes. Tur esaki a tuma lugá den bario di Dominguitu.
Un polis pasando pa bai su trabou a topa e situashon aki i mesora a tuma akshon. Pa su di malu e dama tabata ke destruí su outo tambe. E polis mester a usa forsa pa dominá e dama ku tabata totalmente fo’i kontrol. Mesora a pidi mas yudansa pa por a detené e dama aki ku sigur tabata bou di influensia di un òf otro supstansia. E no tabata por a rasoná pa nèt nada. Mester a detené i durante e detenshon polis mester a usa forsa. Pa e motibu aki el a haña un kap na su kabes. Ku ambulans a hib’e poli bou di guia di polis pa risibí tratamentu. CRS a bai na e kas unda e destrukshon na e dos outo nan a tuma lugá. E dama a destruí mas kos na e kas manera entre otro grill i glas. E dama aki a drenta e kura dor di bula kura di patras. Awor lo tin ku bai duna kuenta i rason di su akshon.
