WILLEMSTAD – Awe mainta tempran DCC ku ta e Departamento Spesialisá kontra Krímen Organisá den Kuerpo Polisial a tene dos entrada hudisial buskando un hòmber pa hustisia ulandes. E entradanan hudisial tabata na dos diferente adrès riba Seru di Papaya. Na e promé adrès e sospechoso no tabata tei. Na e di dos adrès si a logra hasi detenshon di e hòmber. Ta trata aki di un yu di Kòrsou ku lo mester tin un kastigu pendiente na Ulanda pero lo a bin skonde aki. Lo ta un kastigu ku e lo mester a sinta for di alrededor di 2010. Awor ku a logra detené lo inisiá e proseso pa ekstraditá bek pa Ulanda pa aya kumpli ku su kastigu di prizòn.
