WILLEMSTAD – Awe kaso Inex 2.0 a keda presentá den Korte di Apelashon. Fiskal a kaba di pidi un demanda di 8 aña pa eks polis M. Mariano den kaso aki di robo 600 kilo ku a tuma lugá na warda di reshèrshi, den e anochi di 13 pa 14 di òktober 2018 na Garipituwèg. Wes den Korte di Promé instansia, a apsolvé Mariano di e robo di 600 kilo. E dia ei esaki a resultá den un sla enorme pa Ministerio Públiko, mirando ku tabata trata di un investigashon grandi ku a dura hopi tempu i bastante kostoso. Eks polis Mariano a keda kondena si na 6 aña pa un transportashon di 340 kilo ku mester a yega Fuik. E ta sintando kastigu pa e kaso aki. Wes di Korte di Apelashon ta bolbe menshoná nòmbernan di miembro nan di AT den e kaso aki.Den edishon di EXTRA mayan lo tin mas detaye.
