WILLEMSTAD – Awe den oranan tempran di mainta, bomberonan mester a bai ku urgensia den Kaya Max Henriquez, Saliña pa un kandela. Na yega na e sitio por a tuma nota ku e establesimentu, ‘Lik Je Vingers’ tabata kompletamente na kandela. Dos unidat di brantwer tantu di Steenrijk komo Mundu Nobo mester a akudí einan pa logra dominá e kandela. “Brantwer Kòrsou a hasi lo máksimo pa paga pero no por a evitá ku e vlamnan grandi a destruí e establesimentu di horeca aki kompletu. Investigashon lo determiná e motibu di e kandela aki,” asina bosero di brantwer a indiká.
