Programa Kome Salú 3 – Invitadonan: Minister di Desaroyo Ekonómiko Ruisandro Cijntje i Ronny Cornelis di MEO.

Awe Extra Digital ta kontinuá ku e programa “Kome Salú”. Extra su invitadonan di awe ta Minister di Desaroyo Ekonómiko Ruisandro Cijntje i Ronny Cornelis di MEO. Segun Minister Cijntje, ta manera e palabra mes ta bisa, kome salú ta pa bo mes salú. Ora bo komprondé esaki lo bo kuminsá pensa diferente. Segun Ronny Cornelis, ora nos pensa riba kuminda nos mester pensa mas riba nutrishon. Ta konsiente di kiko bo ta kome i na unda bo ta kome. Konsientisashon di komunidat tambe ta un di e metanan di e kontròlnan di MEO.