WASHINGTON, MERKA, AFP.- Departamento di Hustisia di Merka a bisa djaweps ku ta bai apelá e restrikshonnan imponé riba un píldora di aborto serka korte supremo. Esaki ta e último ròndu di un bataya kada biaha mas intenso pa derechinan reproduktivo.
E desishon di e atministrashon di presidente Joe Biden a tuma lugá algun ora despues ku un korte di apelashon a rechasá e medidanan pa prohibí mifepristona kompletamente, pero imponiendo un serie di medida pa restringí akseso na e píldora.
Mifepristona, kual a wòrdu aprobá pa Atministrashon di Droga i Alimento (FDA) na aña 2000 i ku ta representá mas ku mitar di abortonan na Merka, a kombertí den e piesa sentral di e último konfrontashon pa libertat reproduktivo di hende muhé na Merka.
E fiskal general Merrick Garland a bisa ku e departamento di Hustisia lo buska yudansa di emergensia serka Korte Supremo pa defendé e huisio sientífiko di FDA i protehá akseso safe i efektivo di kuido reproduktivo.
