GUAYAQUIL, ECUADOR, AFP.- Tres wardadó di prezu a muri djaweps na man di atakantenan armá pafó di un prizòn di e haf ekuatoriano di Guayaquil, kaminda seis prezu a keda deskubrí horká un dia promé, segun informashon di polis.
Sin drenta den detaye, e institushon a deskribí e agreshon kontra hende muhé komo un “atake armá” i a sigurá ku e unidatnan di forsa públiko “a keda desplegá pa determiná ken ta responsabel pa e echonan kriminal aki”, segun un mensahe riba Twitter.
Na e prizòn di Litoral, ku ta parti di un edifisio di prizòn di Guayaquil i ku tabata e senario prinsipal di asesinato di prezunan desde 2021, seis prizonero a keda deskubrí horká den nan sèl.
E organismo estatal enkargá ku prizòn (SNAI) a konfirmá morto di tres wardadó di prezu atraves di un ‘chat’ di prensa via WhatsApp.
Ecuador ta enfrentando un ola di violensia pa un disputa pa poder entre gangnan narkotráfiko ku ta usa prizònnan komo sentro di operashon.
Konfrontashon entre narkonan a laga mas ku 400 prezu morto desde 2021, miéntras ku e tasa di asesinato na nivel nashonal a bira kasi dòbel entre 2021 i 2022, pasando di 14 pa 25 pa kada 100.000 habitante, segun outoridatnan.
