BELGRADE, SERBIA, AFP.- E presidente servio Aleksandar Vucic a bisa djaweps ku su pais no a bende arma ku Ukrania i no tin intenshon di hasi esaki, despues ku un rapòrt di Pentágono a ‘leak’ indikando ku Belgrado a bai di akuerdo pa proveé arma na Kiev, segun medionan di komunikashon.
“Serbia no ni tin intenshon di eksportá arma pa Ukrania”, segun indikashon di Vucic na reporteronan, segun e agensia di notisia Beta.
El a añadí ku e nashon, ku ta un aliado ruso lo no manda arma pa ni Ukrania ni Rusia.
Reuters tabata e promé ku a reportá ku Servia a bai di akuerdo pa proveé arma na Kiev, òf a manda nan kaba. Reuters a añadí ku no por a verifiká e dokumentonan independientemente.
E minister di defensa Milos Vucevic tambe a rechasá e e akusashon i a añadí ku “un hende opviamente ke hinka Servia den e konflikto aki”.
Aparte di Belarus, Servia ta e úniko nashon europeo ku no a imponé sanshonnan kontra Moscow huntu ku paisnan di wèst.
