WILLEMSTAD.- E akusado J. King (28) a keda kondená na 250 dia di kual 135 kondishonal pa un kaso di atrako ku el a kometé riba un turista na Mambo dia 18 di mei último. E akusado a sali riba algun turista na Mambo na momento ku nan tabata kana bai outo, menasá nan i ranka e yabi di outo for di e víktima.
El a kore bai na e outo, pero ora el a yega pa habri esaki p’e bai kuné, el a hañ’e ku e sorpresa ku e stür tabatin lòk pone riba dje.
Esaki a pone ku el e benta e yabi abou i kore bai. E víktimanan a sali su tras i a logra gar’e. Polis a presentá na e sitio pa detené e akusado.
Tantu na polis komo na wes el a atmití su kulpa. Durante tratamentu di e kaso, el a bisa ku e tabata hopi espera pa motibu ku e tabatin hopi dia sin kome , e no tabatin dak riba su kabes i no tabatin awa pa baña. E tabata baña na laman tur dia. E dia ei e no tabata por mas i dor di desesperashon a kometé e atrako.
Fiskal ta haña e akusashon probá i ta hasi demanda di 24 luna pa e akusado. Wes a desviá for di e demanda i a dun’e un chèns dor di kondèns na 250 dia di kual 135 kondishonal ku periodo di prueba di 3 aña . Otro siman e akusado por bai kas.
