WILLEMSTAD.- Ayera e Tim Multidisiplinario a bai hasi kontròl na Panaderia Bon Bini pa mira si nan a remediá e situashon ku tabatin. Por a tuma nota ku a kumpra yen di ekipo nobo pa por traha pan. Finalmente e panaderia ta kumpli ku tur loke e mester a drecha, i ta e personal di e Tim Multidisiplinario mes a kita e steker ku nan a plak algun siman atras. Asina e panaderia a habri su portanan. Tambe e Tim a kontrolá na “Serka Tanchi”, i a sera e establesimentu aki pa algun aspekto higiéniko chikí ku mester wòrdu drecha promé nan habri bèk.
