WILLEMSTAD.-Trabounan ta tumando lugá, awe djadumingu 8 di oktober, pa pone e estatua di Dr. Moises Frumencio (Doktor) da Costa Gomez bèk na su lugá riba Gomezplein. Manera EXTRA a informa kaba a baha e estatua pa hasi trabounan di restourashon na esaki. Doktor ta e fundadó di Partido Nashonal di Pueblo (NVP). E fundashon estatua mr.dr. Moises da Costa Gomez ta esun responsabel pa e trabounan di restourashon.
E fundashon ta splika ku a hasi kambionan nesesario na e statutonan di e fundashon pa esakinan por kuadra mas ku e tempu aktual. Ta bai pa e idealnan ku Doktor a lucha duru pe i esei no mag di bai pèrdí.
E idealnan no ta mara na tempu. No por ta asina ku un grupo muchu grandi di generashonnan aktual no tin konosementu di e lucha di Doktor pa logra transformashon den e komunidat di Kòrsou di un status kolonial den e reino hulandes pa un pais ku derecho di outodeterminashon, derecho di voto i gobernashon propio.
Awe a pone doktor bek riba Gomez plein.
