WASHINGTON.- Donald Trump tin planiá pa entregá su mes ofisialmente na outoridatnan djaweps awor, ku ta e último kapítulo di e novela aki ku ta enserá un kantidat di kaso pa kual e ta ser di dagfar. Tin kasonan di karakter kriminal i otronan di karakter sivil. Pero den e mesun rosea e entrega di Trump den man di hustisia lo kita atenshon i oksígeno for di e promé debate ku Partido Republikano lo organisá bou di su kandidatonan.
Djaluna último e èks presidente a duna di konosé públikamente ku e tin intenshon di entregá su mes na un prizòn den Atlanta, i ku e lo entregá su mes un dia despues na Milwaukee, sigurando asina ku tur atenshon lo ta riba dje i no riba e partido i su rivalnan. Naturalmente medionan di komunikashon merikano lo dediká mas atenshon na e entrega di Trump, kual ta algu sin presedente den historia dje pais.
“Bo mes por kere, lo mi bai Atlanta, Georgia riba djaweps pa ser arestá dor di un Abogado di Distrito Radikal iskierdista, Fani Willis, ku lo bai ta enkargá ku un di e kasonan mas grandi di asesinato i krímen violento den historia di Merka”, asina Trump a post riba medionan sosial.
Segun resultadonan di negosiashon ku abogadonan di Trump a logra, e lo tin di paga un montante di $200.000 komo fiansa ofisialmente, pues pa e por sigui kana liber te dia su kaso presentá.
