WILLEMSTAD – Awe mainta e barku di turista Rhapsody of the Seas a yega Kòrsou i riba petishon di e kapitan di e barku, polis a hasi dos detenshon. E petishon di asistensia pa Kuerpo Polisial di Kòrsou tabata debí ku dos persona a keda detené riba e barku pa poseshon di un kantidat di mariwana. Polis ku a yega na Mega Pir a hasi detenshon di e dos pasahero nan ku a keda transladá di e barku pa polis di Kòrsou. E dos hòmber nan a keda transportá e ora ei pa Warda di Polis pa mas investigashon. E barku a yega Kòrsou despues di a sali e puerto di Cartagena, Colombia.
