WILLEMSTAD – Kontinuando ku e investigashon relashoná ku e kaso na unda algun siman pasá a bin topa un kurpa sin bida di un persona maskulino den laman na Playa Canoa, polis a hasi dos detenshon. Djárason 12 di yüli 2023 alrededor di 05.20’or, reshèrshinan di e tim ku ta investigá kasonan di homisidio huntu ku personal di U.S.T. a realisá dos detenshon.
Ta trata di e hòmber G.A.L.J. di 24 aña di edat i e dama Y.A.N.J. di 52 aña di edat.
Ámbos detenshon a tuma lugá na un adrès den Kaya Kimbala. Ku outorisashon di Wes Komisario a tene un entrada hudisial na e kas aki i a konfiská vários artíkulo ku ta di importansia pa e investigashon. A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.
E dia ei polis a identifiká e viktima komo Sidney Henk Dometilia , nase na Kòrsou 29 di òktober 1962.
