CARACAS, VENEZUELA, AP.- E korporashon estatal Petroleos de Venezuela S.A, a registrá un kaida di 40,7% den su entradanan kompará ku aña pasá. Esaki ta debí na e bahada den preis di krudo, segun e informe di resultadonan oudita.
E entr adanan di PDVSA, kual ta un kurason ekonómiko di Venezuela a yega 72.162 mion dòler, loke a representá un bahada fuerte kompará ku 121.895 mion dòler ku e korporashon a logra den 2014.
E bahada di entrada a generá un impakto fuerte den ganashi integral di e korporashon, ku a sera na 2015 ku 2.588 mion dòler. Esaki a representá un kaida di 79%, kompará ku e ganashinan di 2014 ku tabata di 12.465 mion dòler.
E minister di Petroli i presidente di PDVSA, Eulogio Del Pino, a rechasá e deterioro di entrada i ganashi. Den un entrevista publiká djadumingu pa e kanal di televishon Televen, el a deklará ku PDVSA a logra haña ganashi apesar di e preis promedio abou ku a yega na 44,65 dòler pa barí, muchu mas abou ku e promedio di 88 dòler pa barí den 2014.
” Pa terser aña konsekutivo, PDVSA a mantené komo e di sinku empresa mas importante riba planeta”.
Asina Del Pino a ekspresá den e informe finansiero di e empresa.
E deterioro di preis di barí petrolero ku a keda meskos durante un aña, a gòlpia a e ekonomia venezolano ku ta enfrentá un di e krísis mas grandi den historia ku un inflashon di tres digito, problema severo di skarsedat i un reseshon profundo.
