WASHINGTON, USA (AFP).- Merka no ta kere ku tin genosidio den Gaza pero ta kalkulá si ku Israel por hasi mas pa protehá e sivilnan palestino, segun e asesor di seguridat Nashonal dje presidente Joe Biden.
Miéntras ku e kombersashonnan pa para e guera ta pegá i ku Israel ta sigui ataká e siudat di Rafah, e asesor Jake Sullivan ta insistí ku e responsabilidat di pas ta kai serka e grupo islamita palestino Hamas.
“Nos ta kere ku Israel por hasi mas pa garantisá protekshon i bienestar di sivilnan inosente. “Nos no ta kere ku e loke ta pasando den Gaza ta genosidio”, segun Sullivana a deklará na periodistanan.
Pa yega na e evaluashon aki, Merka ta “usa término internashonal aseptá pa genosidio, ku ta inkluí un enfoke riba e intenshon”, segun e funshonario a bisa.
Segun Sullivan, Biden ker a mira ku Hamas ta keda derotá, pero el a tuma nota ku e sivilnan palestino ta den un “fièrnu”.