WILLEMSTAD.- Betesda ta anunsiá ku nan ta bai drenta den nan luna di kolekta e aña aki tambe i ta pidi koperashon di komunidat.
Ken nos ta?
Manera ta konosí nos ta e fundashon Stichting Verpleeghuizen Curaçao (SVC) of ”Kas di Enfermeria Betèsda” ku ta un kas ku ta duna kuido spesialisá na pashèntnan – nos klientenan – ku malesa króniko. Meta prinsipal di Betèsda ta pa huntu ku médikonan, enfermeronan i e diferente otro disiplinanan ku Betesda ta ofresé na nan klientenan, traha premordialmente riba mehorashon di e klientenan.
Kiko ta nos meta pa kolektá?
Pa Betesda por ehersé e trabounan nesesario dirigí riba mehorashon di e klientenan di Betèsda, tin diferente proyekto ku nan kier realisá, manera proyektonan dirigí riba engrandesimentu di e partisipashon dis klientenan den komunidat.
Durante e último dos añanan tras di lomba, Betesda tabatin e proyekto pa traha un “overdekte” ku su espasionan nesesario pa abitantenan ku nan respektivo famia, ku empleadonan i ku otronan den komunidat por sinta kómodo den nos organisashon.
Esaki ta un di e posibilidatnan den kual klientenan por sinta huntu ku otronan i disfrutá di otro su kompania den un ambiente ameno. Di e manera aki klientenan ta hopi mas tantu pafó di nan esfera di kuido partisipando na aktividatnan sosial ku otronan den e komunidat.
Pa e aña 2024 Betesda su meta ta pa kumpra 5 ròlstul di laman pa abitantenan por bai laman pa relahá, disfrutá di solo i nos aktividatnan na laman. Di e manera aki tambe Betesda ke engrandesé e partisipashon di nan abitantenan den komunidat. P’esei nan lema di Kolekta 2024 pa abitantenan ta ‘Ban sosialisá (mas) ku nos!’.
Dikon luna di kolekta?
Luna di mart ofishalmente ta e luna di kolekta di Betèsda. Den e luna aki nos lo hasi nos esfuerso pa mas tantu ku ta posibel nos ta riba kaya kolektando sèn serka for di komunidat.
Kon komunidat por aportá?
Komunidat por duna un aporte ku un donashon. Tur donashon ta bon!!
Konfiando riba reakshon positivo, Betesda huntu ku trahadónan i klientenan di “Kas di Enfermeria Betèsda” ta gradisí komunidat den
