WASHINGTON, MERKA, AFP.- E yudansa finansiero pa Ukrania mester sosodé den forma di donashon i no fiansa, pa evitá ku Kiev ta akumulá un debe konsiderabel ku ta kompliká rekuperashon di e pais despues di e guera, segun indikashon di Kristalina Georgieva, direktor general di FMI.
Funshonarionan ukraniano a bisa na Fondo Monetario Internashonal ku nan mester di 5.000 dòler pa luna pa ekonomia di e pais por sigui drai durante e próksimo lunanan, segun indikashon di Georgieva djárason.
“Despues di e guera, outoridatnan di Ukrania ta enfrentá un faktura hopi haltu pa rekonstrukshon di e pais. Un akumulashon di debe, i tambe e kaida di entrada i oumento dramátiko di gastunan no ta prudente”, asina el a bisa.
E guera na Ukrania i esaki su impakto rònt mundu a dominá gran parti di e reunionnan di FMI i Banko Mundial e siman aki.
