WASHINGTON, MERKA, AFP.- Presidente merikano Joe Biden a anunsiá djaweps ku Merka lo añadí 800 mion dòler na yudansa militar adishonal pa ehérsito ukraniano logra saka trupanan ruso den region di Donbas, i a sigurá ku Vladimir Putin “lo no tin éksito” ku okupashon di su pais bisiña.
“Nos ta den un periodo kritiko kaminda nos ta preparando tereno pa e próksimo fase di guera”, asina Biden a bisa di Rusia.
Merka i su aliadonan ta preparando “mas rápido posibel” pa sigui proporshoná Ukrania “ku arma ku nan mester pa ehérsito”, asina el a sigurá.
E 800 mion dòler ta oumentá yudansa na Ukrania na mas di 4.000 mion dòler, desde komienso di Biden su mandato, inkluyendo 3.400 mion dòler desde ku e invashon di Rusia a kuminsá riba 24 di febrüari segun indikashon di Pentágono.
