FRANKFURT, AP.- Fortalesa di euro ta komplikando esfuersonan di Banko Sentral Europeo (BSE) pa disminuí i despues retirá su plannan di estímulo ekonómiko. E programa a yuda drecha ekonomia di e 19 paisnan ku ta forma parti di eurozona, ku awor ta kresiendo ku un ritmo dinámiko.
De programa di estímulo ta konsistí di e kompra mensual di 60.000 mion euro den bono di e gobièrnu korporativo. E plan a drenta na vigor den mart di aña 2015.
Analistanan no ta sigur ku presidente Mario Draghi ta bai revelá algu konkreto na komienso di retiro di e plan di estímulo debí na e temor ku euro por subi mas.
E moneda komunitario a subi ku 13% di su balor e aña aki kompará ku dòler.
Fin na e estímulo lo nifiká oumento den tasa di interes riba término largu i mas ganashi pa invershonistanan; normalmente esaki ta kousa un oumento den demanda pa e moneda.
Esaki lo impliká mas ganashi pa esnan ku ta spar i krédito mas kostoso pa gobièrnu i empresanan.
