ANKARA, AP.- Fransia a pidi Turkia pa respetá derechonan humano fundamental despues di un golpe di estado Frakasá, segurando ku demokrasia ta e mihó eskudo kontra esnan ku kier tumba esaki.
Minister di relashon di asuntunan eksterior franses Jean-Marc Ayrault, a bisa den un konferensia di prensa ku su kontraparte turko na Ankara ku Fransia ta komprondé e nesesidat di Turkia di tres hustisia na esnan responsabel pa e Golpe di Estado Frakasá di 15 yüli. Sin embargo, el a agregá ku e turkonan mester respetá e estado di derecho.
Turkia a dekretá un estado di emergensia pa 90 dia i a kuminsá un represhon intenso kontra e movementu liderá pa Fetula Gulen, un klérigo islámiko ku ta biba na Merka i ku Turkia ta konsiderá komo esun responsabel pa e golpe aki. E religioso aki ta rechasá tur e akusashonnan den su kontra.
E estado di emergensia, kual a wòrdu ekstendé pa 90 dia for di e luna aki, ta permití gobièrnu goberná via un dekreto i tin outoridat pa detené e sospechosonan te ku 30 dia sin akseso na abogado.
