WILLEMSTAD.- Fundashon Sentro di Bario Soto (SBS), a keda fundá 23 mart 1968, i a kumpli 55 aña 23 mart 2023. Komo Sentro di Bario Soto tin komo meta pa uni bario i bisindario, stimulá i motivá e hende pa e ta sosial. Esaki ta dor di traha huntu na aktividatnan konkreto pa yuda hisa kalidat di bida di habitantenan di Soto i bisindario, promoviendo desaroyo mental, sosial i físiko di e poblashon na Kòrsou i partikularmente Soto i besindario, e áreanan di trabou di e sentro di bario.
Presidente Anamarie Cijntje huntu ku su direktiva a organisá un bunita selebrashon kompañá ku hopi invitado djadumingu 26 mart 2023.
E fundashon ta hopi agradesido di por tabatin Su Ekselensia Señora Lucille George-Wout i esposo sr. Herman George huntu ku nan den selebrashon 55 aña.
Tambe tabata presente promé Minister sr. Gilmar “Pik” Pisas huntu ku Minister di enseñansa, siensia,
kultura i deporte sr. Sithree Van Heydoorn.
E dia a start ku un Santu Sakrifisio di Misa na misa di Soto i a sigui pa e parti ofisial den Sentro di Bario Soto.
Bunita ta, kon miembronan di direktiva SBS i tambe polis di bario sr. Fanyte, a
kompañá Su Ekselensia sra. Lucille George-Wout i esposo sr. Herman George, kanando di misa di Soto, pa Sentro di Bario Soto. Un eksperensia hopi bunita i ku sigur ta keda den Historia di eksperensianan di Fundashon Sentro di Bario Soto.
