LONDON, AP.- Gran Bretaña a pidi proseso di separashon di forma ofisial di Union Europeo despues di 44 aña di miembresia. Esaki ta wòrdu kumpli despues di desishon di votadónan britániko den un referèndem nuebe luna pasa.
Tim Barrow a entrega un karta firmá pa May djamars den man di Donald Tusk, na su ofisina di 10 Downing Street, kual ta kuminsá e proseso di negosiashon di dos aña formalmente pa kulminá Brexit.
“Esaki ta un momentu históriko sin hala atras”, asina Promé Minister Theresa May, a bisa na legisladornan di Kámara di Komun algun minüt despues di a usa Artíkulo 50 di Tratado di Lisboa. “Awe gobièrnu ta aktua pa boluntat demokrátiko di e pueblo britániko”.
Den un mensahe riba Twitter, Tusk a bisa: “despues di nuebe luna, Gran Bretaña a kumpli”. E funshonario a kompañá e publikashon ku un potrèt di Barrow entregando e karta dilanti di bandera britániko i komunitarionan di Bruselas.
“No tin motibu pa fingi ku esaki ta un dia felis”, segun señalashon di Tusk mas despues den un diskurso indikando ku awor e prioridat lo bira pa minimisá kosto pa siudadanonan europeo i paisnan miembro.
