MOSCOW, AP.- Presidente ruso Vladimir Putin a bishitá e archipiélago den Artiko, kompartí di esfuersonan di Rusia pa fortalesé su presensia den e region.
Den e rekorido riba e archipiélago, Franz Josef Land, un grupo di 192 isla kaminda fòrsa armá Ruso a konstruí un pista di aterisahe resientemente i a traha pa habri un base permanente, Putin a enfatisá e nesesidat di protehá interes ekonómiko di seguridat di Rusia den ártiko.
Kremlin a bisa ku reafirmashon di e presensia ruso den e zona ta un di e prioridatnan prinsipal, meimei di un rivalidat kresiente pa rekurso natural den e region.
“Rekursonan natural di importansia klave pa ekonomia Ruso ta konsentrá den e region”, asina Putin a bisa den deklarashonnan publiká pa e agensia di notisia Ruso.
El a agregá ku e kalkulashonnan aktual ta bisa ku rikesanan mineral den e region ta forma un total di 30 bion dòler.
Na aña 2015, Rusia a presentá un reklamashon di teritorio ártiko.
Rusia, Merka, Dinamarka, Canada i Noruega ta buskando pa establesé hurisdikshon riba partinan di Artiko na momentu ku tin un redukshon di eis polar kual ta habri oportunidat pa eksplorashonnan nobo.
Putin a bisa djárason ku ainda Rusia ta dispuesto pa un “asosiashon amplio ku otro nashonnan pa realisá proyektonan mutuamente benefisioso pa probechá di e rekursonan natural, desaroyá koredornan global di transporte i protekshon ambiental.
Den último añanan, fòrsa armá Ruso a realisá vários trabou kostoso pa restourá i modernisá basenan bandoná di e era soviétiko den e region i desplegá un ekipo nobo di defensa antiaéreo.
