WILLEMSTAD.- Kòrsou a registrá otro kaso di asesinato. E biaha aki ta na Soto na Banda Bou. Outoridatnan a yega topa un outo hinká den un pida mondi na altura di Julianaboom. Ambulans ku a presentá na e sitio, no por a hasi nada pa e víktima ku tabata sintá den e vehíkulo. Por a mira ku riba kaya tabatin bastante huls komo tambe glas, miéntras e glas patras dje outo ta tur destruí dor di balanan ku a sali for di arma di kandela. Aparentemente lo ta trata di un hòmber di inisial R.d.P. Outoridatnan no por a duna masha detaye ayera nochi di loke a sosodé. E kaso ta den investigashon.
