PORTO ALEGRE, BRASIL, AP.- Dos di e tres huesnan di un tribunal di apelashon a disidí pa ratifiká un kondena pa korupshon kontra e eks presidente Luiz Inacio Lula da Silva, kual posiblemente a impidié pa partisipá den elekshon presidensial brasilero den òktober.
E terser hues di e pènel kier a vota pa mas tardá ayera atardi, pero mayoria tabata sufisiente pa konfirmá e kondená di hues Sergio Moro, emití den yüli.
E kaso ta relashoná ku un apartamentu na kosta di Guaruja, un siudat di estado di São Paulo. Fiskal ta indiká ku e kompania konstruktor OAS, propietario di e kas, a primintí esaki na e eks mandatario a kambio di kontraktnan. Lula a ripití ku e kaso tin motivashonnan polítiko i ku e apartamentu nunka no tabata na su nòmber.
E desishon di korte di apelashon por impedí ku presidente Lula, kende a goberná entre 2003 i 2010, ta presentá den elekshon den òktober. Pa lei, un kandidato no ta eligibel si e tin un kondena penal ku a wòrdu ratifiká pa un segundo tribunal.
Sinembargo, e desishonnan final riba kandidaturanan no ta wòrdu tumá pa tribunal elektoral di Brasil, i Lula tin vários kaminda pa apelá e tribunalnan superior.
Outoridat a sera kaya i pone frankotiradónan riba daknan serka di e korte den siudat na sùit di Porto Alegre.
