E prezu a hui for di Vught
HULANDA.-For di Vught a drenta e informashon ku un prezu a hui den oranan di mèrdia. Segun e promé informashonnan suministrá riba e kaso, e hòmber no ta un prezu ku tabata sera den prisòn na Vught. Manera ta konosí e prizòn di maksimo seguridat na Hulanda ta situá na Vught. Den e kaso spesífiko aki un transporte di prezu a pasa Vught i e prezu a pidi pa e bai wc. El a probechá di e momentu i a sali na kareda bai laga wardadónan di prezu. Outoridatnan a buska den e área i asta a pidi asistensia di helikòpter pero djis despues a disidí na legumai e búskeda indikando ku ta difísil pa buska un hende den un área asina grandi.
Te ainda no a informa pa kiko e hòmber ta será i te na e momentunan aki no a logra detené. Polis a konfirmá ku e hòmber a hui, pero no por a splika kon bin e huida por a tuma lugá miéntras e hòmber tabata huntu ku wardadónan di prezu. E lugá for di unda e prezu a hui no ta muchu leu for di e karetera A2. Segun polis, e echo ku e transporte di prezu a para un ratu na Vught no ta konosí i ta puru kasualidat. Dienst Vervoer en Ondersteuning di Dienst Justitiele Inrichtingen ta esnan responsabel pa transporte di prezunan.
E parti mas remarkabel ku polis ta indiká ku a stòp e búskeda pasobra ta difísil buska un hende den un área asina grandi.
