WILLEMSTAD.- Segun Karin Bosman, di ‘About Workplace Harassment’ intimidashon na boka di trabou ta un problema grandi na Kòrsou. Djamars mainta durante konferensia di prensa di partido PAR Bosman a presentá sifranan di un investigashon nobo na intimidashon na boka di trabou. Segun e investigashon kada tres di tur kuater trahadó ta bisa ku e tin di aber ku intimidashon riba boka di trabou. Sea tentamentu, diskriminashon, agreshon verbal i/òf violensia físiko. Bosman a bisa ku e sifranan ta preokupante. Segun parlamentario pa partido PAR Ana Maria Pauletta intimidashon riba boka di trabou ta e motibu prinsipal di apsentismo laboral.
Den konekshon ku selebrashon di Dia Internashonal di Hende Muhé, frakshon di PAR djamars a para ketu na e posishon di hende muhé aña 2022 den komunidat. Pero no ta hende muhé so ku ta víktima di intimidashon riba boka di trabou, Bosman a bisa. El a hasi un apelashon na komunidat di Kòrsou pa tuma e sifranan na serio. Manera ta konosé Bosman ta yuda frakshon di PAR ku un trayekto di lei di komportashon ofensivo i intimidashon seksual na boka di trabou.
PORTRET
Investigadó Karin Bosman huntu ku frakshon di PAR
