RAFAH.- No opstante ku korte di Nashonnan Uní (UN) a dekretá un paro den e ofensivanan na Palestina, tòg Israel a desafiá e desishon aki i a lansa atakenan na Rafah. Segun e último desaroyonan, avionnan i artierianan israelí a asotá Rafah despues ku gobièrnu a ignorá e órden di korte di Nashonnan Uní. Na mes momentu tin hopi ta puntra si tin sentido pa sigui papia awor ku tin esfuersonan ta ser hasí atrobe di parti di diferente pais pa logra un trato pa entrega di rehen a kambio di un tregua. Un ofisial israelí a duna di konosé públikamente ku nan tabatin e intenshon di reanudá e kombersashonnan, aunke un miembro di Hamas a bisa ku e no a tende nada den e konteksto aki di parti di mediadornan.
Un miembro di Krus Kora Palestino a duna di konosé ku e atake israelí a heridá un kantidat grandi di hende den un aria designá komo unu humanitario banda di Gaza na zùit di Rafah. Ambulans di Krus Kora e transportá un kantidat di hende heridá. No ta konosí kuantu morto a kai den e atake aki.
