JERUSALEM.- Ehérsito di Israel a anunsiá ku por lo ménos ocho rakèt a ser lansá riba e parti sentral di e pais aki djadumingu for di Gaza den e siudat na zùit di Rafah, kaminda su forsanan ta luchando kontra militantenan Palestino. Miembronan di prensa ku ta den e aria di Gaza a reportá ku nan a mira rakètnan ku a ser lansá for di Rafah, aunke ehérsito a duna di konosé ku un kantidat dje rakètnan aki a ser interseptá dor di e sistema di defensa aéreo israelí.
Entretantu hopi famia israelí ta ta di luto, esei pa motibu ku nan sernan kerí a regresá kas pero den kaha di morto. Ruman muhé di un rehen israelí ku su kurpa a ser entregá for di Gaza siman pasá a dera esaki mei mei di un akto funeral kaminda míles di hende a asistí. E defuntu, Chanan (42) a ser asesiná dia 7 di òktober 2023 ora ku el a trata di hui for di un festival musikal na Nova, den e atake sin presedente di parti di Hamas, ora ku. Militantenan a bai Gaza ku su kurpa pero a entrega esaki djabièrnè dor di trupanan israelí despues di 230 dia den koutiverio.
Tin hopi israelí tin miedu kaba i ta teme ku nan lo tin di asistí un entiero tras di otro, pasobra n’e momentunan aki ta den kaha di morto so kurpanan ta regresando nan pais. Den e mesun rosea mester bisa tambe ku tin hopi rabia kresiendo den e poblashon kontra gobièrnu israelí, esei pa motibu ku nan no ta mirando ku tin progreso den e negosiashonnan pa trese esnan sekuestrá bèk.
