Manera Meteo a pronostiká; hopi Áwaseru
WILLEMSTAD.-Na e momentunan aki e áreanan mei mei i pabou di Kòrsou ta hañando bastante Áwaseru. Servisio Meteorológiko den pronostiká di siman a premirá bastante awa pa hinter e siman aki. Den kurso di mèrdia Áwaseru a kai bastante na vários parti di Kòrsou. For di pariba te pabou a drenta konfirmashon di Áwaseru. E área di Heintje Kool , Roosendaal i besindario pero tambe de Savaan ta áreanan ku a haña hopi awa. Outomobilistanan a konfirmá ku tin hopi molèster riba kaminda debí na e kantidat di awa riba kaya. Esaki ta hasi un poko difísil pa por maniobrá riba kayanan den e áreanan menshoná.