NEW YORK, USA (AFP).- E kaso pa difamashon ku ta tuma lugá na New York kontra di Donald Trump, den kua e eks-presidente por ta testigu, lo reanudá mañan. E eskritor i periodista E. Jean Carroll, di 80 aña, ta reklamá e republikano un montante di 10 mion dollar pa daña su reputashon pa un deklarashon dje tempu ei presidente, den 2019.
Carroll a gana otro proseso den mei di 2023 den kua Trump a keda kondená pa pag’é 5 mion dollar despues di a keda hañá kulpabel di a agredi’é seksualmente den 1996 i tambe pa difamashon.
E magnate, gran faborito pa gana e desigashon di Partido Republikano pa aspirá pa regresá White House den elekshon di novèmber, a asistí vários dia na e kaso aki ku a kuminsá 16 di yanüari, pero ku a keda suspendé djaluna pa un posibel kaso di Covid di un dje miembronan di hurado.
E eks-presidente ayera nochi na New Hampshire tabatin otro sita importante den su lucha pa yega White House.
