Kenley Jansen (Atlanta Braves) ta inisiá awe ku e seri di divishon den Liga Nashonal kontra di e ekipo di Philadelphia Phillies. Kenley lo inisiá e intento di gana su di dos renchi di Kampion Mundial, e promé tabata ku Los Angeles Dodgers. Wega pa awe ta programa pa kuminsá 1:07 pm den un seri di mihó di 5
Jurickson Profar (San Diego Padres) tabatin un bon seri di Wild Card i sigur a kontribuí pa su ekipo gana di New York Mets i pasa pa e siguiente buèlta. Esaki ta e seri di Divishon kontra nan rival Los Angeles Dodgers ku tin tinta di kampion. E seri di mihó di 5 tambe ta kuminsá awe i promé wega ta 9:37 pm
Hensley Meulens (New York Yankees) lo hunga nan promé wega di playoff awe. Seri di divishon den Liga Amerikana kontra di Cleveland Guardians ta programa pa kuminsá awe pa 7:37 pm
Ozhaino Albies (Atlanta Braves) debí na e leshon na su dede lo no por hunga den promé buèlta di playoff. Speransa ta ku Braves lo avansá i spera ku Ozzie rekuperá pa por hunga un ròl den sobra serinan
Xander Bogaerts (Boston Red Sox) temporada a finalisá
Jonathan Schoop (Detroit Tigers) temporada a finalisá
Chadwick Tromp (Atlanta Braves) temporada a finalisá
Didi Gregorius (Philadelphia Phillies) temporada a finalisá
Andrelton Simmons (Chicago Cubs/Marchena Braves) e temporada aki a kumpli 10 aña di servisio den Liga Grandi. For di prinsipio di temporada Simmons a leshoná i esaki a persiguí e shortstop yu di Kòrsou i djei no a kue su forma mas. Na ougùstùs e organisashon di Chicago Cubs a disidí pa kòrta nan laso ku e pelotero i asina Simmons en prinsipio a bira un agente liber. El a opta pa sinta sobra di temporada afó pa asina sosegá e leshon na su skouder. Na sèptèmber el a opta tòg pa hunga ku e ekipo lokal Marchena Braves den beisbòl Doble A. Simmons su sifranan tabata hopi limitá den 2022 mirando ku e no a mira muchu akshon. Kumpliendo 10 aña di servisio ta importante ya ku asina su penshun kompleto di Liga Grandi ta sigurá. Sifranan final:
G: 35; AB: 75; R: 8; H: 13; 2B: 1; 3B: 0; HR:0; RBI: 7; BB: 7; SO: 13; SB: 4; AVG: .173
