Krioyonan den MLB: Profar i Padres a kai vensí; Hensley pa final di Liga Amerikana

Jurickson Profar (San Diego Padres) a bai di 3-0 ku un base por bola den promé wega di seri final di Liga Nashonal. Padres a kai vensí ku skor di 2-0 na man di Phillies i ta atras awor 1-0 den e sei mihó di 7 aki. Profar a risibí un base por bola den di nobeno ining dunando su ekipo un oportunidat ainda pero tantu Soto komo Machado no por a hasi muchu na bate. Próksimo wega ta awe tardi pa 4:35 pm

Hensley Meulens (New York Yankees) a gana e wega final pa asina gana e seri kontra di Cleveland Indians i gana derechi pa hunga den e final di Liga Amerikana. Promé wega ta awe pa 7:37pm na Houston

Kenley Jansen (Atlanta Braves) temporada a finalisá

Ozhaino Albies (Atlanta Braves) temporada a finalisá

Xander Bogaerts (Boston Red Sox) temporada a finalisá

Jonathan Schoop (Detroit Tigers) temporada a finalisá

Chadwick Tromp (Atlanta Braves) temporada a finalisá

Didi Gregorius (Philadelphia Phillies) temporada a finalisá

Andrelton Simmons (Chicago Cubs/Marchena Braves) e temporada aki a kumpli 10 aña di servisio den Liga Grandi. For di prinsipio di temporada Simmons a leshoná i esaki a persiguí e shortstop yu di Kòrsou i djei no a kue su forma mas. Na ougùstùs e organisashon di Chicago Cubs a disidí pa kòrta nan laso ku e pelotero i asina Simmons en prinsipio a bira un agente liber. El a opta pa sinta sobra di temporada afó pa asina sosegá e leshon na su skouder. Na sèptèmber el a opta tòg pa hunga ku e ekipo lokal Marchena Braves den beisbòl Doble A. Simmons su sifranan tabata hopi limitá den 2022 mirando ku e no a mira muchu akshon. Kumpliendo 10 aña di servisio ta importante ya ku asina su penshun kompleto di Liga Grandi ta sigurá. Sifranan final:
G: 35; AB: 75; R: 8; H: 13; 2B: 1; 3B: 0; HR:0; RBI: 7; BB: 7; SO: 13; SB: 4; AVG: .173

Play of the Day