LIMA, PERU, AFP.- Kuater turista a muri i 16 a sali leshoná na momentu ku nan bùs a kai den un abismo riba un ruta di Perú, despues di un bishita na Machu Picchu segun informashon di outoridatnan djaluna.
E personanan leshoná ta kuater franses, dos griego, dos israelí, dos kanades, dos argentino, dos peruano, un ulandes i un otro no a wòrdu identifiká, segun e konteo di gobièrnu regional di Cusco.
E suseso a tuma lugá riba anochi di djadumingu den zona di Abra Malaga, 105 kilometer leu di Cusco, e kapital di e imperio inka.
E vehíkulo a kai den abismo despues ku nan a bishita Machu Picchu djadumingu, segun indikashon di e minister di Komersio Eksterior i Turismo, Roberto Sanchez, den un rueda di prensa huntu ku funshonarionan regional.
E minister a informá ku un avion lo trasladá algun herido pa Lima.
