MOSCOW, RUSIA, AFP.- Servisio di seguridat di FSB di Rusia a anunsiá djaluna ku Ukrania ta responsabel pa un atake ku bòm den outo den serkania di Moscow, ku a mata e yu muhé di e ideólogo ruso Alexander Dugin.
Probablemente Dugin, un nashonalista ekstremo intelektual i partidario di e atake di Kremlin na Ukrania tabata ophetivo di e atake.
“E krímen a wòrdu prepará i kometé pa servisionan spesial di Ukrania”, segun indikashon di FSB den un komunikado publiká pa agensianan di notisia di Rusia.
Un asesor presidensial ukraniano, Mukhaylo Podolyak, a ninga ku outoridatnan di Kiev ta responsabel pa e atentado.
