WILLEMSTAD. – Siman pasá korte di hurisdikshon derecho di famia di Den Haag, a prolongá kuido di yu muhé di 10 aña di edat serka un famia adoptivo, te 16 di sèptèmber 2024. E situashon aki t’asina for di aprel 2022 i e mama por sierto un hóben ta di opinion ku e mes por kuida su yu. E yu mes tin miedu ku no ta pa semper nan tin e separá di su mama. Pero tabatin vários faktor ku hues di mucha no a duna e mama rason den su intento pa e mes wak su yu.
Segun e guia di famia ta splika ku aktualmente e mama ta hañando guia intensivo pa e mes por kuida su yunan den futuro. Pero esaki ta posibel, ora ku guia di famia ta kompletamente konvensí ku esaki ta posibel. E echo ku e yu tin 10 aña di edat, nan di guia di famia ta di opinion ku e yu ta kai bou di riesgo haltu si e yu no haña bon kuido i guia.
Awor aki nan ta bai laga hasi un tèst di inteligensia (IQ) ku e yu muhé. Segun e skol ku e yu muhé ta bai, nan ta ripará ku ora e yu tin kontakto ku su mama, su komportashon na skol ta bira difísil i kompliká. Despues di bishita serka e mama, e yu ta demostrá falta di konsentrashon i ta buska atenshon negativo. E tèst ku skol tin pensá di laga hasi riba e yu, ta pa wak si e yu mester di mas guia, banda di e guia spesial ku e ta haña na skol kaba.
E mama i yu tin kontakto ku otro dos biaha pa luna i na mas okashon via di telefòn, pero ora nan ta huntu e kontakto ta bai kompliká, segun guia di famia. Nan ta splika ku e mama no ta mustra interes i asta ora ku bèl ku famianan aki na Kòrsou, e mama no ta mustra nada di emoshon o interes.
Kada bes ku e mama ta huntu ku e yu, e mama ta puntra e yu si e ta sinti su falta o sea si e ke bin kas, loke ku ta hasi e yu hopi nèrvioso.
E mama mes ta bou di guia intensivo di 40 ora pa siman serka “Youth Turn”. Segun guia di famia e programa aki na kanando bon. E mama no ta di opinion ku niun di e puntonan di salida di guia di famia i e mes ke wak su yu.
Korte den su desishon a konkluí ku nan no por honra e mama su petishon awor aki pa laga e yu bai biba serka dje.
E programa ta kanando bon i mester duna tempu pa esaki yega na su kulminashon ku éksito. E mama tin un yu na kas ta kuida i un di dos yu lo trese su komplikashonnan i nan lo no por bai huntu bou di un dak awor aki.
Esaki ta motibu ku korte a prolongá e yu keda den un kas di famia te dia 16 di sèptèmber 2024.
