WILLEMSTAD.- Awe ta hasi 20 aña ku mr. Marije Vaders a huramentá komo abogado. Un persona ku den tempu kòrtiku a sa di pone su stèmpel komo un di e abogadonan penalista di mas eksitoso. Vaders no ta un abogado ku su trabou di defensa ta kaba te kaminda ku e sèn ku a keda pagá na su persona pa su defensa ta stòp. Pero ta sigui traha na interes di su kliente sin importá ku e aspekto finansiero i ta defendé su klientenan ku alma i kurpa. Esaki ta bisto den su notanan di defensa ku no ta spar papel i profundo. Pabien ta bai pa Marije Vaders ku su 20 añanan komo abogado.
