MERKA.- E preis promedio pa galòn di gasolin na Merka a surpasá 5 dòler. Esaki ta a promé bia dje historia. Etsudionan ta mustra ku dje mayoria parti di e pais outomobilistanan mester paga 5 dòler òf mas pa galòn, pero na California nan ta pagando mas tantu. Kompará ku aña pasá por nota ku e preisnan di gasolin a subi ku 19 sèn di dòler siman pasa i asina a surpasá un oumentu di $ 1.93 kompará ku e preis di aña pasá. Na Inglatera e preis di gasolin ta alrededor di 10.16 dòler pa gasolin.
E motibunan pa e oumentu aki ta vários, segun analistanan. Algu típiko di merikanonan ta ku rondó di ‘Memorial Day’ na fin di mei merikanonan ta kore outo mas tantu i komo konsekuensia di esei e demanda ta oumentá. Di otro banda preisnan global di krudo tambe ta subiendo, di un banda relashoná ku e sanshonnan kontra Rusia ku ta un produktor grandi di krudo. Den mesun rosea ta asina ku na Merka tin limitashon pa refinashon di krudo i tin refinerianan ku a será durante di e pandemia.
E situashonnan aki ta hibando merikanonan na un situashon sin presedente ku un inflashon di mas haltu den 40 aña. Esaki ta e promé bia ku preis di gasolin a surpasá 5 dòler pa galòn.
