WASHINGTON, MERKA, AFP.- Merka a ofresé kasi 10 mion dòler pa kapturá dos eks hefe di e gueria di FARC na Colombia. Ta trata di Jesus Santrich i Ivan Marquez, kende ta fugitivo i akusá ku narkoterorismo di parti Merka.
E Departamento di Estado a anunsiá e rekompensa aki a kambio di kualkier informashon ku ta permití aresto i/òf kondena di Santrich òf Marquez. E duo aki ta integrá e parti di FARC ku a rechasá e Akuerdo di Pas di 2016 ku e gobièrnu di Juan Manuel Santos.
E hefe di diplomasia merikano, Mike Pompeo a bisa ku ámbos a desertá proseso di pas na Colombia i tin un historia largu den partisipashon di aktividatnan di tráfiko di droga. Ademas, e duo tin sosten di e gobièrnu iskierdista di Nicolas Maduro na Venezuela.