WILLEMSTAD – Servisio Meteorológiko Kòrsou a kaba di emití un informe di un temblor ku a tuma lugá awe mainta 20 di yanüari 2023. Ta trata aki di un mensahe di informashon (kódigo hel) pa un temblor pa Kòrsou. Un temblor a tuma lugá pero no tin e potensia pa generá sunami na Kòrsou. E temblor a tuma lugá 41 km wèst di Pointe-Noire, Guadeloupe i tabata di magnitut 6.2 riba eskala di Richter. Ezaki a tuma lugá 7:23 ora lokal ku e temblor a tuma lugá. Un Boletin Spesial ta ser emití pa eventonan di wer ku ta kousa inkonbeniensia general òf preokupashon den pueblo (ku ta rekerí atenshon i akshon di outoridatnan di brantwer i polis) i ku no por ser deskribí na un manera adekuá den un pronóstiko di tempu regular. Ta emití un Mensahe di Informashon pa Temblor ora ku a sinti un temblor na Kòrsou i ku Servisio Meteorológiko Kòrsou a konfirmá detayenan di su magnitut, episentro i profundidat.
