WILLEMSTAD – Den Meteo su pronóstiko di awe mainta ta indiká ku situashon general ta mustra un ola tropikal situá riba parti oriental di Karibe ku lo krusa nos region durante e próksimo 24 ora. E fluho di bientu lo bira gradualmente for di direkshon ost pa sùitost i trese airu mas húmedo i instabil den nos área. Esaki lo kousa áreanan di nubia pa desaroyá i krusa nos region ku posibilidat pa algun yobida kompaña pa welek i bos. Algun di e yobidanan aki por ta lokalmente fuerte i por kousa molèster na e lugánan di kustumber. Pues shelu ta por lo general parsialmente nublá, temporalmente basta nublá ku chèns pa algun áwaseru lokal.
Temperatura máksimo lo alkansá 30ºC i temperatura mínimo 25ºC.
Solo ta sali 06:29 i ta baha 18:10 o.l.
Bientu: Direkshon generalmente ost i moderá; forsa 3 te 4 (12 te 30 km/ora, 7 te 16 nudo). Ráfaga de bes en kuando te basta fuerte; forsa 5 (31 te 39 km/ora, 17 te 21 nudo).
Kondishon di laman: Trankil te moderá ku altura di olanan entre 1 i 1.5 meter (3 pa 5 pia). Kondishon di laman na kosta nort ta un ta un poko brutu dor di efekto di resake.
Sistemanan signifikante di wer tropikal: Ningun.
Fenómeno spesial: Ningun.
Perspektiva te djasabra mainta: Parsialmente te hopi nublá ku chèns pa algun áwaseru kompaña pa welek i bos.
