WILLEMSTAD.- Skol Maria Immaculata e siman aki a organisá un ‘beroepencarrousel’. Djamars, djárason i djaweps den oranan di mèrdia hopi profeshonal a bin skol pa kombersá ku alumnonan.
Alumnonan por papia ku e profeshonalnan tokante nan profeshon. Tambe nan a bin ku hopi pregunta.
Ku e kombersashonnan ku profeshonal e alumnonan por prepará mihó pa nan futuro i karera. Tin ku bisa ku muchanan di MIL a prepará hopi bon pa esaki.
A invitá entre otro abogado, fisioterapista, artista, ‘business coach’, médiko, manager, spesialista finansiero, sikólogo, brantwer, biólogo i hopi mas. Extra tabata presente ku dos trahadó: Elmeric Thielman komo kamarógrafo/fotógrafo i reportero Oscar van Dam. Ámbos a papia ku diferente alumno tokante nan profeshon.
