WILLEMSTAD.- Minister van Heydoorn, den su kalidat di Minister di Kultura, a trese dilanti durante di su diskurso ayera tardi ku a logra pa bai 1 aña mas ku e ruta kustumbrá. Ela indiká ku tin un proposishon pa un ruta alternativo ku lo mester wòrdu usá pa 2 òf 3 aña, esaki pendiente pa e trabounan di renobashon ku mester tuma lugá den área di Otrobanda keda kla. E ruta aki próksimamente lo wòrdu proponé na Ministerraad. Despues ku e renobashon tuma lugá lo mester wak si Karnaval lo por sigui pasa den kayanan di Otrobanda òf ku a gusta e ruta nobo.

Minister a informá tambe ku ta pendiente e desishon pa permití pa harma stelazje mas trempan, pa por forma ambiente ku famia i konosínan riba e ruta.

Lo no tin Karnaval di kabai mas. Minister a indiká ku a reuní ku e organisashon di Aspafiko i ku despues di evaluashon a yega na e konklushon ku pa e último añanan no tabatin kresementu.

Minister a informá ku e tin un idea i ku lo e bai presentá esaki na Beehives i ta spera ku pa 2028 lo bin ku un otro marcha riba e fecha ei.