WILLEMSTAD. – Ayera durante un tremendo ambiente gobièrnu di Kòrsou a introdusí un inovashon di fin di aña na Plasa Brion. Ta trata di un show di lus úniko ku ta reflehá mensahe ku tin gran balor pa komunidat di Kòrsou. Na e okashon aki Ministernan Cooper i Cijntje a hiba palabra i tambe direktora finansiero di Aqualectra Neysa Schoop-Isenia. Despues di e parti formal a sende e show di lus ku a bai kompañá ku animashon di Los Paranderos & riba Ruta i un tremendo show di vürwèrk.
