PARIS, FRANSIA, AFP.- Ayera tabata e promé ròndu di elekshon na Fransia. E dos kandidatonan ku ta kasi kabes kabes ta Emmanuel Macron i e ultraderechista Marine Le Pen.
Macron na poder for di 2017 a kaba ayera entre 28 i 29% di voto miéntras ku Le Pen 23 pa 24%. Segun e promé sondeonan publiká ayera, e sentrista lo imponé tambe den e di dos buèlta di 24 di aprel ku entre 2 i 8 punto di bentaha.
“Nada ta disidí” segun Macron kandidato di Repúblika den Marcha LREM den su promé reakshon. “E debate ku nos lo tin durante di 15 dia lo ta desisivo pa nos pais i pa Oropa”, asina el a bisa na su simpatisadónan.
Apénas nos konosé e promé sifranan, e kandidatonan di derechi, ekologista, sosialista i komunista a pidi pa vota pa e den un balotahe pa impedí e viktoria di Le Pen, ku a risibí a kambio e apoyo di ultraderechista Eriz Zemomour.
“No mester duna ni un solo voto na Le Pen”, asina e iskierdista Jean Luc Melenchon w di tres kandidato ku mas voto ayera a bisa, sin a pidi pa vota pa e aktual presidente. Ku entre 20 i 21%, e polítiko veterano a keda nèt na porta di e elekshon.