Djabièrnè awor na sinagog
WILLEMSTAD.-Rabbi i e direktiva di ‘sinagog’ Mikvé Israel-Emanuel ta manda un invitashon na komunidat di Kòrsou pa asistí na un orashon speshal pa Israel ku ta tuma lugá djabièrnè awor 13 oktober, kuminsando 6:30 pm na ‘sinagog’ den Hanchi Snoa.
EXTRA a logra komunikashon ku sra. Christy Cheis kònsùl di Israel aki na Kòrsou kende a duna di konosé ku e situashon na Israel ta unu di hopi preokupashon. Ya kaba mas ku 1200 persona a keda asesiná, tin famianan kompletu ku a keda asina i ketu bai tin hopi violensia. E kònsùl ta kere ku orashon ta bon i nesesario pa trese pas den e region.
Tin historia largu ku ta ataka hudiunan, pero esaki ta e momentu ku tin mas asesinato di hudiu for di tempu di ‘holocaust’ i esei sigur meresé orashon. Por hasi donashon pa yuda hendenan desampará na Isreal.
