WILLEMSTAD – Awe for di den oranan di mardugá outoridatnan tabata bon okupá ku vários entrada na diferente parti di Kòrsou. Primeramente Tim di Atrako i Tim di Aresto a bai na Kaya Monzonit na Tera Kora i aki a hasi un detenshon di un sospechoso relashoná ku kaso di atrako. A konfiská vários artíkulo importante den kuadro di e investigashon. Despues e mesun tim nan aki a sigui pa Lelienberg unda tambe a hasi detenshon i konfiská mas prueba pa nan investigashon. Un tim konsistiendo di Narkótika huntu ku ‘Koninklijke Marechaussee’ a bai diferente adrès den Buena Vista buskando un sospechoso. A drenta vários kas pero no por a logra lokalisá e persona ku nan tabata buska relashon ku un investigashon andando. A drenta por lo ménos kuater kas den oranan di mainta.
\
