Willemstad.- Relashoná ku e aksidente ku a paralisá tráfiko riba Helmin Wiels Blvd, konforme e investigashon preliminar, aparentemente e shofùr koriendo direkshon Rotònde Parasasa a aksidentá despues di a bai kita pa skapa bida di un yuana.
Konsekuensia di esaki tabata ku e shofùr a pèrdè kontrol i dal violentamente kontra di un palma mei mei di e kaminda. E impakto tabata asina fuerte ku shofùr a resultá lastimá di tal manera ku e tabata rekerí atenshon médiko. Pa loke ta trata e vehíkulo mes e daño tabata enorme. Manera por mira riba e imágennan, entre otro e parti di dilanti di e vehíkulo a keda kompletamente destruí.
