WILLESMTAD – Un doño di outo ku a suponé ku su vehíkulo ta nechi na garashi pa hasi e reparashonnan nesesario a risibí un yamada di polis ku su outo ta enbolbí den un aksidente. Tabata den oranan di mardugá ku e doño di un Toyota Vitz a risibí e yamada sorprendente aki di parti polis ku su outo ta ‘total-loss’. E outo lo mester ta na garashi pa spùit. E aksidente aki a tuma lugá riba Stoppelweg na altura di Isa. E shofùr a pasa riba e ‘berm’ mei mei bai bòltu i despues keda para riba e tereno bashí. E shofùr ku a ‘fia’ e vehíkulo a risibí un kap na su kabes i a keda transportá ku ambulans pa Poli. No tabatin niun otro vehíkulo enbolbí den e aksidente aki. E doño di e outo mes a kore yega i no a keda nada mas di para yora mirando su vehíkulo mal kibra.
